نرخی زێڕ زیاتر بەرزدەبێتەوە و ئاستی نوێ تۆمار دەکات

ئاڤا نیوز

نرخی زێڕ لە مامەڵەکانی ئەمڕۆیدا زیاتر بەرزبووەوە و بۆ دووەم ڕۆژ لەسەر یەک ئاستی نوێی تۆمار کرد.

 

چیرۆکی سەرەکی: نرخی زێڕ لە مامەڵەکانی ئەمڕۆیدا بۆ 2507 دۆلار بۆ هەر ئۆنسێک بەرزبووەوە، لە گرێبەستەکانی داهاتووشی بۆ مانگی کانوونی یەکەم بۆ ئاستی دوو هەزار و 2548.4 دۆلار بۆ هەر ئۆنسێک بەرزبووەوە. 

 

هۆکارە زانراوەکان: بەهۆی پێشبینی مامەڵەکاران بۆ کۆتاییهاتن لە تووندکردنی سیاسەتی نەختینەیی لە ئەمریکا و دابەزاندنی نرخی سوو، هەروەها پارێزگاریکردن لە چالاکی ئابووری و ڕێگریکردن لە داکەوتن، نرخی زێڕ ئاراستەی بەرزبوونەوەی وەرگرتووە و دوو ڕۆژە لەسەریەک ئاستی پێوانەیی نوێ تۆمار دەکات. 

لێدوانی فەرمی: د. کامەران قادر، پسپۆڕی دارایی و ئابووری بە ئاڤا نیوزی ڕاگەیاند: بەرزبوونەوەی نرخی زێڕ پەیوەندی بە سیاسەتی نەختینەی بانکی فیدراڵی ئەمریکاوە هەیە، هەرکاتێک سوودی بانکی کەمکرایەوە ڕاستەوخۆ نرخی زێڕ بەرزدەبێتەوە. 

نرخی زێڕ لە هەرێمی کوردستان: بە کاریگەری بەهای دینار بەرامبەر بە دۆلاری ئەمریکی و جووڵەی نرخی زێڕ لە بازاڕەکانی جیهان، نرخی مسقاڵێک زێڕی عەیار 24 بە 650 هەزار دینارە، عەیار 21 بە 530 هەزار دینار و عەیار 18 بە 455 هەزار دینارە.