ئەنتۆنی بلینكن گەیشتە قەتەر

ئاڤا نیوز 

 

بۆ درێژەدان بە گەڕی دووەمی گفتوگۆكانی ئاگربەستی نێوان ئیسرائیل و حەماس، وەزیری دەرەوەی ئەمریكا گەیشتە قەتەر.

وێنە گەورەكە: بۆ نۆیەمین جار لەسەر یەک و لەماوە 10 مانگدا، وەزیری دەرەوەی ئەمریكا بە گەشتێکی چوار ڕۆژی لە ڕۆژهەڵاتی ناوەڕاستە، بلینکن لە گەشتەکەیدا سەردانی هەریەكە لە ئیسرائیل و قەتەر و میسر و چەند وڵاتێكی دیكەی ناوچەكە دەكات و لەگەڵ گەورە بەرپرسانی ئەو وڵاتە کۆدەبێتەوە.

 

ئەوەی پێویستە بیزانیت: ئێوارەی ڕۆژی سێشەممە، ئەنتۆنی بلینكن، وەزیری دەرەوەی ئەمریكا بەفڕۆكەیەكی تایبەت لە ئیسرائیلەوە بەرەو قەتەرە بەڕێكەوت، لەلایەن گەورە بەرپرسانی ئەو وڵاتەوە لە فڕۆكەخانەی نێودەوڵەتی دەوحە پێشوازی لێكرا.

 

ئەمەش بزانە: بلینكن تا چوارشەممە لە ڕۆژهەڵاتی ناوەڕاست دەمێنێتەوە، ئامانجی سەرەكی سەردانەكەی ئاگربەستی نێوان حەماس- ئیسرائیل و ئازادکردنی بارمتە ئیسرائیلییەکانە .

 

زانیاری بەدەستهاتوو: هەریەكە لە ئیسرائیل و حەماس لە ناوەڕۆكی ڕێككەوتنەكان ناڕازین و ئەمریكاش  بە نێوەندگیری قەتەر و میسر هەوڵی ڕازیكردنی هەردوولا دەدات.