سەرۆکوەزیران بارزانی: دەبێت هەڵبژاردن دووربێت لە پێشێلکاری و ساختەکاری

ئاڤا نیوز

سەرۆکوەزیران بارزانی جەخت لە گرنگیی ئەنجامدانی هەڵبژاردن لە کەشێکی ئازادانە  و دادپەروەرانە و دوور لە پێشێلکاری و ساختەکاری دەکاتەوە. داواش دەکات نەتەوەیەکگرتووەکان و چاودێرانی نێودەوڵەتی بەشێوەیەکی کارا چاودێری پرۆسەکە بکەن.

چیرۆکی سەرەکی: ئەمڕۆ چوارشەممە سەرۆکوەزیران مەسرور بارزانی و کلاودیۆ کۆردۆن، نوێنه‌رى تایبه‌تیی سكرتێرى گشتيى نه‌ته‌وه‌يه‌كگرتووه‌كان له‌ عێراق بەوەکالەت، لە هەولێر کۆبوونەوە  و  ئامادەکارییەکانی هەڵبژاردنی پەرلەمانی کوردستانیان تاوتوێ کرد کە بڕیارە 20-10ی ئەمساڵ بکرێت.

ڕاگەیێنراونی فەرمی: سەرۆکوەزیران بارزانی ئاماژەی بە گرنگیی ئەنجامدانی هەڵبژاردن لە کەشێکی ئازادانە  و دادپەروەرانە و دوور لە پێشێلکاری و ساختەکاری کردووەتەوە، بۆ ئەم مەبەستەش جەختی لە گرنگیی ڕۆڵی نەتەوە یەکگرتووەکان و چاودێرانی نێودەوڵەتیی کردووەتەوە کە پێویستە بەشێوەیەکی کارا چاودێری پرۆسەی هەڵبژاردن بکەن بۆ ئەوەی بەشێوەیەکی پاک و بێگەرد بەڕێوەبچێت.

بۆچوونی بەرامبەر: کلاودیۆ کۆردۆن سوپاسی پشتیوانیی حکومەتی هەرێمی کوردستانی کردووە بۆ ئامادەکارییەکان و، هەماهەنگیکردنی باشی لەگەڵ کۆمیسیۆنی باڵای هەڵبژاردنەکانی عێراق لەپێناو ئەنجامدانی پرۆسەی هەڵبژاردن.