کەنەدی لە هەڵبژاردن دەکشێتەوە و پشتگیری ترەمپ دەکات

ئاڤا نیوز 

ڕۆبێرت ئێف کەنەدی، بەربژێری سەربەخۆی هەڵبژاردنەکانی سەرۆکایەتیی ئەمریکا، لە کێیڕکێی هەڵبژاردنەکان کشایەوە و پشتگیریی خۆی بۆ دۆناڵد ترەمپ ڕاگەیاند. 

لێدوانی فەرمی: ڕۆبێرت کەنەدی لە کۆنگرەیەکی ڕۆژنامەوانیدا ڕایگەیاند "چی دیکە باوەڕم بەوە نییە کە ڕێگایەکی ڕاستەقینەم هەبێت بۆ سەرکەوتنی هەڵبژاردن".

لە لایەکی دیکەوە: ترەمپ ستایشی کەنەدی کرد و گوتی "پێکەوە خەبات دەکەن بۆ تێکشکاندنی دامەزراوە سیاسییە گەندەڵەکان و گەڕاندنەوەی کۆنتڕۆڵی ئەم وڵاتە بۆ خەڵک".

زانیاریی زیاتر: خانەوادەی کەنەدی ڕایانگەیاند "بڕیاری کەنەدیی بۆ پشتگیریکردن لە ترەمپ خیانەتە لەو بەهایانەی باوکمان و خێزانەکەمان زۆر خۆشیدەویستن، ئەمە کۆتاییەکی خەمناکە بۆ چیرۆکێکی خەمناک."