ئێران ئاو لەسەر هەرێمی کوردستان دەگرێتەوە

ئاڤا نیوز

 

بەهۆی گرتنەوەی ئاوی زێی بچووک لەلایەن کۆماری ئیسلامی ئێران، کێشە بۆ پرۆژەی ئاوی خواردنەوەی خاس لە قەڵادزێ دروستبووە. 

 

وێنە گەورەکە: پرۆژەی خاس لەزێی بچووک، ئاوی خواردنەوە بۆ نزیکەی 100 هەزار هاونیشتمانی لە قەڵادزێ، جگە لە دەیان پرۆژەی حەوزی ماسی و ئاژەڵداری و کشتوکاڵ لەناوچەکە دابین دەکات.

 

لێدوانی فەرمی: مارف مەحموود، بەرێوەبەری پرۆژەی ئاوی خاس بەئاڤا نیوزی ڕاگەیاند، لەشەوی ڕابردووەوە کۆماری ئیسلامی ئێران ئاوی زێیەکەی گرتەوە، بەهۆیەوەش لەبەیانی ئەمڕۆوە پرۆژەکە کار ناکات و پێدانی ئاو بە هاوبەشەکان ڕاگیراوە.

 

زانیاریی زیاتر: ئێستا کار بۆ ئەوە دەکەن پڕۆژەیەکی دیکە لە خاس دروستبکەن بۆ ئەوەی دووبارە پرۆژەکە بەکاربخەنەوە، مەحموود وای گوت.

 

باکگراوند: هەموو ساڵێک لەوەرزی هاوین بەمەبەستی گلدانەوەی ڕێژەیەکی زۆر، ئێران ئاوی زێی بچووک دەگرێتەوە و هاونیشتمانیان لە قەڵادزێ تووشی گرفتی کامئاوی دەبن.