سیاسەتی چاکسازیی بایدن بۆ کۆچبەران ڕادەگیرێت

ئاڤا نیوز 

دادوەری تەکساس بڕیاری ڕاگرتنی یاسایەکی جۆ بایدنی سەرۆکی ئەمریکای دەرکرد، کە پرۆسەی بەدەستهێنانی ڕەگەزنامەی بۆ کۆچبەرانی ئەمریکا ئاسان دەکرد.

وێنە گەورەکە: بایدن لە مانگی حوزەیراندا یاساییەکی نوێی ڕاگەیاند کە ڕێگای وەرگرتنی ڕەگەزنامەی بۆ نیو ملیۆن کۆچبەر ئاسان دەکرد، ئەمەش ناڕەزایەتی بەشێک لە خەڵکی ئەمریکای لێکەوتەوە.

ئەوەی پێویستە بیزانیت: 16 ویلایەتی ئەمریکا سکاڵایان لەسەر ئەم یاسایە تۆمار کردووە و ڕایانگەیاند: ئەم سیاسەتە ملیۆنەها دۆلاری تێدەچێت و کاریگەریی لە سەر خزمەتگوزارییە گشتییەکانی وەک چاودێری تەندروستی و پەروەردە دەبێت.

زانیاریی زیاتر: یاساکان بەسەر ئەو کەسانەدا جێبەجێ دەکرێن، کە لانیکەم 10 ساڵ لەو وڵاتە ژیاون و پێش 17 ی حوزەیرانی 2024 هاوسەرگیریان لەگەڵ هاووڵاتییەکی ئەمریکی کردووە. بە گوێرەی یاساکە پرۆسەی وەرگرتنی مافی مانەوەی هەمیشەییان ئاسانتر دەبوو و مۆڵەتی کارکردنیان پێدەدرا.