تاوەکو ساڵی 2050 خواست لەسەر نەوت دوو هێندە زیاد دەکات

ئاڤا نیوز

 

سەرەڕای پێشکەوتنەکان لە بواری وزەی نوێبووەوە، تاوەکو ساڵی 2050 خواستی جیهان لەسەر نەوت دوو هێندە زیاد دەکات.

 

وێنە گەورەکە: کۆمپانیای ئێکسۆن مۆبیل پێشبینی دەکات، داواکاری نەوت تا ساڵی 2050 لە سەرووی 100 ملیۆن بەرمیل لە ڕۆژێکدا بمێنێتەوە، پێشبینییەکانی ئۆپیکیش بۆ ساڵی 2045 بریتییە لە 116 ملیۆن بەرمیل لە ڕۆژێکدا، هاوکات کۆمپانیای ئێنبریج ئینکۆش پێشبینی دەکات لە ساڵی 2045 خواستی ڕۆژانە زیاتر بێت لە 110 ملیۆن بەرمیل نەوت لە ڕۆژێکدا.

 

هۆکارە زانراوەکان: زیادبوونی ژمارەی دانیشتووان و بەرزبوونەوەی ئاستی خۆشگوزەرانی ئابووری لە وڵاتانی تازەپێگەیشتوو دوو هۆکاری سەرەکین، هاوکات ئێکسۆن مۆبیل ڕایگەیاندووە 67%ی تێکەڵەی وزەی جیهانی لەساڵی 2050 لەڕێگەی نەوت و گازی سروشتی و خەڵوزەوە دابین دەکرێت. 

 

لەلایەکی دیکەوە: کۆمپانیاکە پێی وایە ئۆتۆمبێڵی کارەبایی هیچ گۆڕانکاریێک لە خواستی جیهانی بۆ نەوت دروست ناکات، ئەگەر هەر ئۆتۆمبێڵێکی نوێی کارەبایی لە جیهاندا بفرۆشرێت تا ساڵی 2035، ئەوا خواست لەسەر نەوتی خاو لە ڕۆژێکدا بە 85 ملیۆن بەرمیل دەمێنێتەوە، ئەمەش هەمان ئاستە لەگەڵ ساڵی 2010دا.

 

ئەمەش بزانە: ئەگەر هاتوو تاوەکو ساڵی 2030 هیچ وەبەرهێنانێکی نوێ لە جیهاندا لەبواری نەوت نەکرا، ڕەنگە بەرهەمهێنان بەنزیکەی 15% لە ساڵێکدا کەمببێتەوە و ببێتە هۆی دابەزینی ئاستی خستنەڕوو بۆ 30 ملیۆن بەرمیل نەوتی ڕۆژانە.