چارەنووسی ماکرۆن و فەرەنسا بەرەو توونێلێکی تاریک دەچێت

ئاڤا نیوز   

 

دوای ئەوەی ئیمانوێل ماکرۆن، سەرۆکی فەرەنسا بە توندی ڕەتیکردەوە حکومەتێکی چەپگەرایی پێکبهێنێت، دەستیکردووە بە "خولی نوێی ڕاوێژکاری" و بەدوای سەرۆکوەزیرانێکدا دەگەڕێت، لەکاتێکدا کەشی سیاسی وڵاتەكە تادێت گرژتر دەبێت.

 

زانیاریی بەدەستهاتوو: زیاتر لە چل ڕۆژە حکومەتێکی دەستلەکارکێشاوە فەرمانڕەوایی فەرەنسا دەکات، ئەمەش دۆخێکی بێ وێنەیە لە وڵاتەکەدا لە دوای کۆتایی هاتنی جەنگی جیهانی دووەمەوە.

 

درێژەی ڕاپۆرت:

 

ئەمڕۆ سێشەممە، 27-08-2024 ماکرۆن گوتی:” بە گومانەوە  دەستم بە ڕاوێژکاریی کردەوە لەگەڵ "ئەوانەی دەیانەوێت کار بۆ بەرژەوەندی وڵات بکەن".

 

نەڕاست و نەچەپ

 

نە ڕاستی توندڕەو و نە چەپی توندڕەو بانگهێشت نەکراون بۆ ڕاوێژکاریی، لە کاتێکدا هەندێک لە بەرپرسانی بانگهێشتکراو ئامادە نەبوون بەشداری بکەن لە ڕاوێژکارییەکاندا.

 

 'نکۆڵیکردن لە دیموکراسی' 

 

ماكڕۆن هەردوو بەرەی چەپی توندڕە و ڕاستی توندڕەو، بە دوو بەرەی خراپ ناوبرد و گوتی ئەوان نكۆڵی لە دیموكراسی دەكەن ئەمەش مەترسییەكی گەورەیە بۆ سەر ئەوان.

 

خۆپیشاندان دژی ماكڕۆن

 

گرووپی فەرەنسای سەربەرز داوای لە چەپی ڕادیکاڵ، ئەندامی سۆسیالیست و ژینگەپارێز و کۆمۆنیستەکانی هاوپەیمانی چەپ کرد، لە 7ی ئەیلولدا دژی هەنگاوەکەی ماکرۆن خۆپیشاندان بکەن.

 

حزبەكان پەیامیان هەیە؛

 

 

لای خۆیەوە ئۆلیڤیێر فۆرێ، سەرۆکی پارتی سۆسیالیست، ڕایگەیاند:” بەشداری ڕاوێژکاریی نوێ لە کۆشکی ئەلیزێ ناکات و كۆبوونەوەكەی بە "گاڵتەجاریی دیموکراسی"ی  ناوبرد و بە توندی ئیدانە کرد.

 

مارین تۆندۆلیێر، ڕێبەری ژینگەیی گوتی:"ئێمە درێژە بەم نمایشە نادەین"، هاوکات فابیان ڕۆسێلی سۆسیالیست دووپاتیکردەوە کە چەپەکان بەردەوام دەبن لە "شەڕ"، داوای لە فەرەنسییەکان کرد کۆببنەوە.

 

 لە نێوان "سووکایەتی" و "دوورکەوتنەوە لە کارەسات" 

 

لەبەر ڕۆشنایی ئەو ئاژاوە سیاسییەی لە فەرەنسادا بڵاوبووەوە لە ئەنجامی بڕیارە لەناکاوەکەی سەرۆک بۆ هەڵوەشاندنەوەی ئەنجومەنی نیشتمانی و دوای شکستی لە هەڵبژاردنەکانی ئەوروپا لە 9ی حوزەیران، ماکرۆن داوای بەرپرسیارێتی" کرد، هەوڵیدا سۆسیالیستەکان بخاتە ناو دۆخەكەوە و چەپە توندڕەوەکان گۆشەگیر بکات”.

 

كات تەواو بوو

 

کات بۆ هەڵبژاردنی سەرۆک وەزیرانێک لەلایەن ماکرۆن تەواو دەبێت، بەو پێیەی پێویستە لە یەکی ئۆکتۆبەردا بودجەیەک پێشکەش بە ئەنجومەنی نیشتمانی بکات، بەڵام تا ئێستا هیچ شتێک بەتەواوەتی ئامادەنییە و حزبەكانیش پشتیوانی ماكڕۆن ناكەن، ئەمەش فەڕەنسا دەخاتە دۆخێكی خراپەوە.

 

پوختە

فەڕەنسا بەرەو ئاڵۆزییەكی ناوخۆیی زۆر گەورە دەڕوات، كە بە شكستی كۆبوونەوەكان دەستپێدەكات و بە خۆپیشاندانی گەورە كۆتایی دێت و ئەگەری هەیە هەڵبژاردنێكی دیكە بكرێت.