كۆشكی سپی: هیوادارین ئێران هێرش نەكاتە سەر ئیسرائیل

ئاڤا نیوز

 

كۆشكی سپی دەڵێت، ئێران خۆی بۆ هێرشكردنە سەر ئیسرائیل ئامادە دەكات و تائێستا هیوا ماوە بۆ ئاگربەست لە کەرتی غەززە.

 

وێنە گەورەكە: جارێكی دیكە پرسی هێرشی ئێران بۆ سەر ئیسرائیل دێتەوە سەرمێزی گفتوگۆی گەورە بەرپرسانی ئەمریكا و هۆشداریی دەدەن لە هێرشی تاران بۆ سەر تەلئەڤیڤ.

 

ڕاگەیەنراوی فەرمی: كۆشكی سپی ڕایگەیاند:” ئێران خۆی ئامادە دەکات بۆ هێرشكردنەسەر ئیسرائیل، هەروەها دەڵێت، لە ژێر ڕۆشنایی بەردەوامی بەشداریی هەموو لایەنەكان هیوایەك ماوە بۆ سەركەوتنی ئاگربەست لە کەرتی غەززە.

 

ئەمەش بزانە: گوتەبێژی ئەنجوومەنی ئاسایشی نیشتمانی ئەمریكا ڕایگەیاند:” هیواخوازن ئێران هێرش نەكاتە سەر ئیسرائیل، ئەگەر كارێكی لەم شێوەیە بكات بەرگری لە ئیسرائیل دەكەن".