پلەکانی گەرما لە هەرێمی کوردستان و عێراق دادەبەزێت

ئاڤا نیوز

 

لە کۆتایی ئەم هەفتەیەدا پلەکانی گەرما لە زۆربەی شار و ناوچەکانی عێراق دادەبەزێت و لەمەودوا شەوان کەشوهەوا فێنک دەبێت.

 

وێنە گەورەکە: عێراق بە درێژایی وەرزی هاوین بەرزترین پلەکانی گەرما لە جیهاندا تۆمار دەکات و لە بەشێکی زۆر لە شار و ناوچەکانی عێراق دەگاتە نیوەی کوڵان، بەپێی دەستەی کەشناسیی عێراق لە کۆتایی ئەم مانگە و سەرەتای مانگی داهاتوودا پلەکانی گەرما دادەبەزێت.

 

ڕاگەیێنراوی فەرمی: دەستەی کەشناسیی عێراق ڕایگەیاندووە: لە ڕۆژی پێنجشەممەی داهاتووەوە پلەکانی گەرما لە ناوچەکانی هەرێمی کوردستان لە نێوان 35 بۆ 41 پلە، ناوچەکانی ناوەڕاستی عێراق لە نێوان 40 بۆ 43 پلە دەبێت و ناوچەکانی باشووریش پلەکانی گەرما 44 بۆ 46 پلە دەبێت.

 

زانیاریی زیاتر: چاودێرانی کەشناسی پێیانوایە لە سەرەتای مانگی ئەیلوولی داهاتوو کەشوهەوای شەوان فێنک دەبێت بە تایبەتی لە هەرێمی کوردستان و ناوچەکانی ڕۆژئاوای عێراق.