ئۆکراینا داوا لە مەنگۆلیا دەکات پووتین دەستگیربکات

ئاڤا نیوز

 

وەزارەتی دەرەوەی ئۆکراینا داوا لە مەنگۆلیا دەکات لەکاتی سەردانی ڤلادیمێر پووتین، سەرۆکی ڕووسیا بۆ ئەو وڵاتە ناوبراو دەستگیر بکات. 

 

وێنە گەورەکە: بەرواری 2024-8-30، وەزارەتی دەرەوەی ئۆکراینا داوای لە وڵاتی مەنگۆلیا کرد، بە تۆمەتی دیپۆرتکردنەوەی نایاسایی منداڵانی ئۆکراینا لە دوای دەستپێکردنی هێرشی ڕووسیا بۆ سەر ئۆکراینا، ڤلادیمێر پووتین دەستگیر بکات.

 

ڕاگەیێنراوی فەرمی: وەزارەتی دەرەوەی ئۆکراینا ڕایگەیاند، "داوا لە دەسەلاتدارانی مەنگۆلیا دەکەین فەرمانی دەستگیر کردنی ڤلادیمێر پووتین جێبەجێبکەن و ڕادەستی دادگای تاوانە نێودەوڵەتییەکان 'لاهای' بکەن.

 

لەلایەکی دیکەوە: دیمیتری پێسکۆڤ، گوتەبێژی کرێملین ڕاگەیاند، گفتووگۆیەکی نایابمان لەگەڵ هاوبەشەکانمان لە مەنگۆلیا کردووە، سەردانەکە لە هەموو لایەکەوە بە وردی گفتووگۆی لەسەر کراوە و "هیچ نیگەرانییەک نییە".

 

ئەوەش بزانە: مەنگۆلیا ئەندامی دادگای نێودەوڵەتییەکانە، لە ڕووی تیۆرییەوە دەبێت بڕیار و ڕاسپاردەکانی دادگەکە جێبەجێ بکات.

 

باکگراوند: دوایین سەردانی پووتین بۆ مەنگۆلیا لە 2019 بوو، هاوکات ئەمە یەکەم سەردانی پووتین دەبێت بۆ وڵاتێک کە پەیماننامەی ڕۆمای واژۆ کردووە.

 

زانیاریی زیاتر: پەیماننامەی ڕۆما، بڕیاری دامەزراندنی دادگەی تاوانە نێودەوڵەتییەکانی لە ساڵی 1998 لە ڕۆمای پایتەختی ئیتاڵیا داوە، 60  وڵات واژۆیان کردووە و بنکەی سەرەکی لە لاهایە لە وڵاتی هۆڵەندا.