لە ئەسیوپیا هەزاران کەس لەژێر مەترسی ڕۆچوونی زەویدان

ئاڤا نیوز

 

لە باکووری ئەسیوپیا 400 هەزار کەس بەهۆی زۆری باران بارین و ڕۆچوونی زەویەوە ژیانیان لە مەترسیدایە. 

 

وێنە گەورەکە: 27-8-2024، لە ویلایەتی ئەمهارا لە باکووری ئەسیوپیا بەهۆی بارینی بارانێکی وەرزیی بەخووڕ و ڕۆچوونی زەوی 23 کەس گیانیان لە دەستدا. 

 

لێدوانی فەرمی: تێسفاو باتابڵ، یەکێک لە بەرپرسانی ویلایەتی  ئامهارا ڕایگەیاند: باران بارین لە 32 ناوچەی ئامهارا بەردەوامە و 400 هەزار کەس لە ژێر مەترسی ڕۆچوونی زەویدان.

 

 زانیاریی زیاتر: هاوکات دامەزراوەی کەشناسیی ئەسیوپیا هۆشداری دەدات بەهۆی بەردەوامبوونی بارانبارینی بەخۆڕ  مەترسییەکانی ڕووچوونی زەوی زیاتر دەبێت.