جەزائیر دەبێتە ئەندامی بانکی گەشەپێدانی نوێی بریکس

ئاڤا نیوز

سەرۆکی بانکی گەشەپێدانی نوێی بریکس، لە نۆیەمین کۆبوونەوەی ساڵانەی بانکەکە ڕێگەی بە جەزائیر دا ببێتە ئەندامی بانکی گەشەپێدانی نوێ بریکس.

ڕاگەیێنراوی فەرمی: دیلما ڕۆسێف، سەرۆکی بانکی گەشەپێدانی نوێی بریکس ڕایگەیاند، جەزائیر ڕێگەی پێدراوە ببێتە ئەندامی بانکی گەشەپێدانی نوێی بریکس. 

ئەوەی پێویستە بیزانیت:  بانکی گەشەپێدانی فرەلایەنە (NDB), لە ساڵی 2015 ەوە لەلایەن گرووپی بریکس دامەزراوە، هەریەک لە وڵاتانی بەرازیل، ڕووسیا، هیندستان، چین و باشووری ئەفریقا ئەندامی سەرەکین.

زانیاریی زیاتر: لە ساڵی 2021ەوە  هەریەک لە بەنگلادیش، میسر، ئیماراتی یەکگرتووی عەرەبی و ئۆرۆگوای بوونە ئەندامی نوێی بانکەکە وەک بەشێک لە هەڵمەتێکی فراوانکردن.