شاشە و شۆفێری چاو ماندوو دەکەن

ئاڤا نیوز

 

چەند هۆکار هەن وادەکەن چاو ماندوو بێت، کە دیارترینیان بەکارهێنانی ئامێرە ئەلیکترۆنییەکانە.

 

وێنە گەورەکە: کیریل سڤێتلیاکۆڤ، پزیشکی پسپۆڕی چاو ئاماژە بەوە دەکات، کە ماندوێتیی چاو لە ئەنجامی گرژبوونی چاو بۆ ماوەیەکی درێژ ڕوودەدات، بۆ نموونە بەکارهێنانی کۆمپیوتەر بەتایبەت لە بارودۆخی ڕووناکی خراپ وهەڵەی شوێنی شاشەکە.

 

ئەوەی پێویستە بیزانیت: ئەو کەسانەی زۆرتر دووچاری ماندوێتی چاو دەبن بریتین لە شۆفێران و ئەوانەی کارەکانیان پێویستی بە گرنگیدانی بەردەوام و بێ ماندووبوون هەیە، چونکە چاوەکان لە فۆکەسی بەردەوامەوە ماندوو دەبن.

 

زانیاریی زیاتر: جگە لەوەش بەکارهێنانی چاویلکە یان هاوێنەی نەشیاو دەبێتە هۆی ماندوێتی چاو، هاوکات لاربینی(ئیستیگماتیزم) دەبێتە هۆی چاوکزی و لەم حاڵەتەشدا کەسەکە بەبێ ئەوەی بزانێت تووشی گرژبوونی بەردەوامی چاوەکانی دەبێت.