نەهرۆ ڕواندزى بۆ سێیەم جار لەسەر نرخی نەوت سکاڵاى دژى حکومەتى عێراق تۆمار دەکات

ئاڤا نیوز

 

پەرلەمانتارێکی کورد لەسەر هاوتاکردنى نرخى نەوت لە هەرێمى کوردستان لەگەڵ خوارووى عێراق، بۆ سێیەمین جار سکاڵا دژى ئەنجوومەنى وەزیرانى عێراق و وەزیرى نەوت لە دادگەى فیدڕاڵیی عێراق تۆمار دەکات.

 

لێدوانی فەرمی: نەهرۆ ڕواندزى، پەرلەمانتاری عێراق بە ئاڤا نیوزی ڕایگەیاند: "=ئەمڕۆ 01-09-2024 لەپێناو بەرژەوەندیى هاووڵاتییانى هەرێمى کوردستان لە ڕێگەى دوو پارێزەرى کورد، بە ناوەکانی دانەر عەبدولغەفار عەزیز و هیوا عەبدوڵڵا جەمیل  بۆ جارى سێیەم، لەسەر هاوتاکردنى نرخى نەوت لە هەرێمى کوردستان لەگەڵ خوارووى عێراق، سکاڵام دژى حکومەتى عێراق و وەزیرى نەوت، لە دادگەى فیدڕاڵیى عێراق تۆمار کرد''. 

 

زانیاریی زیاتر:  بەگوتەی ئەو پەرلەمانتارە، ئەمجارە حکومەتى عێراق هیچ ڕێگەچارەیەکى نەماوە، دەبێت ئەو بابەتە لە بەرژەوەندى کورد یەکلاببێتەوە، بۆیە تاوەکو چەند هاووڵاتیان وەکالەت بدەن بە پارێزەرەکان، ئەوە لە بەرژەوەندیى گشتى ئەو پرۆسەیە دەبێت". 

 

لەلایەکی دیکەوە: دانه‌ر عه‌زیز، پارێزه‌رى ڕاوێژكار به‌ ئاڤا نیوزى راگه‌یاند: ئه‌مرۆ داواكاریی 102 هاونیشتمانى له‌ ڕێگەی بریكارنامه‌ى گشتی له‌گه‌ڵ دوو پارێزه‌رى دیکەى ڕاوێژكار له‌ دادگەى باڵاى عێراق دژى حكومه‌تى عێراق و وه‌زاره‌تى نه‌وتی عێراق تۆماركردووه‌ ئه‌و داواكارییه‌ له‌ 11 لاپه‌ڕه‌ پێکدێت و چاوه‌ڕوان ده‌كرێت دواى وه‌ڵامدانه‌وه‌ى داواكارییه‌كه‌ یه‌كه‌م دانیشتن بكرێت.

 

ئەمەش بزانە: لە سکاڵاکە داواکراوە نرخى یەک لیتر نەوت بە بڕى (150) دینار بە هاووڵاتیانى هەرێمی کوردستان بفرۆشرێت، وەک هەموو پارێزگاکانى عێراق، کە ئێستا بۆ هاووڵاتیانى هەرێمی کوردستان بە بڕی (500) دینارە.