ئەم هەفتەیە 120 هەزار فەرمانبەر بە "هەژماری من" مووچە وەردەگرن

ئاڤا نیوز

وەزارەتی دارایی و ئابووری ڕایدەگەیێنێ، ڕۆژی چوارشەممە ئەو فەرمانبەرانەی ناویان لە پڕۆژەی "هەژماری من" تۆمارکراوە مووچەی مانگی تەمموز دەچێتە سەر هەژمارەکانیان.

 

لێدوانی فەرمی: تیمی "هەژماری من" بە ئاڤا نیوزیان ڕاگەیاند، بۆ ئەم مانگە 25 هەزار فەرمانبەری دیکە لەڕێگەی هەژماری من مووچە وەردەگرن، بەکۆی گشتی ئەم مانگە 120 هەزار فەرمانبەر مووچەی مانگی حەوت لەڕێگەی ATM-ەکانی هەژماری من وەردەگرن.

 

ئەوەی پێویستە بیزانیت: ئەمڕۆ دووشەممە وەزارەتی دارایی و ئابووریی حکومەتی هەرێمی کوردستان لیستی مووچەی مانگی تەمموزی بڵاوکردەوە و بە سێ ڕۆژ هەموو فەرمانبەران مووچەکانیان وەردەگرن.

 

لەلایەکی دیکە: وەزارەتی دارایی و ئابووری ڕوونیکردەوە، مووچەی مانگی حەوتی خانەنشینان بەپێی یاسای خانەنشینی یەکگرتوو و بەهاوتاکراوی هاوشێوەی عێراق دابەش دەکرێت، ڕۆژی چوارشەممە مووچەیان دەخرێتە سەر هەژمارەکانیان و هەمان ڕۆژ دەتوانن ڕایبکێشن.