نزیکەی 193 ئامێری ATM لە 63 شوێنی جیاواز بۆ مووچەخۆران دابینکراوە

ئاڤا نیوز

 

ئەم مانگە بەشێک لە مووچەخۆرانی سلێمانی و دهۆک بۆ یەکەمجار مووچەکانیان لەڕێگەی پڕۆژەی "هەژماری من"ەوە وەردەگرن، لەنێویاندا مامۆستایانی خوێندنی باڵا و پەروەردە.

 

وێنە گەورەکە: ڕۆژی چوارشەممە 4ی ئەیلوولی 2024، مووچەی بەشێکی مووچەخۆران بەشێوازی دیجیتاڵی لەڕێگەی هەژماری منەوە لە سەرجەم پارێزگاکانی هەرێمی کوردستان دابەش دەکرێت.

 

ئەوەی پێویستە بیزانیت: مووچەی مووچەخۆران لە کاتژمێر 10ـی پێش نیوەڕۆ بەدواوە دەچێتە سەر هەژماری بانکی بەشداربووان و بە SMS ئاگادار دەکرێنەوە، کە دەتوانن بچن سەردانی نزیکەی 193 ئامێری ATM لە 63 شوێنی جیاواز بکەن بۆ ڕاکێشانی مووچەکانیان.

 

ژمارەکان وادەڵێن: بۆ ئەم مانگە 120 هەزار مووچەخۆر مووچەکانیان لەڕێگەی هەژماری منەوە وەردەگرن، لەنێویاندا 103 هەزار فەرمانبەری مەدەنی و 17 هەزار پێشمەرگە بەمشێوەیەی خوارەوە:
- هەولێر ڕێژەی تۆمارکردن  (96%)ـە و 116 هەزار مووچەخۆر مووچەکانیان هاتووەتە سەر هەژماری من.
- سلێمانی ڕێژەی تۆمارکردن (33%)یە و نزیکەی دوو هەزار و 500 مووچەخۆر مووچەکانیان هاتووەتە سەر هەژماری من.
- دهۆک ڕێژەی تۆمارکردن (92%)ـە و نزیکەی هەزار و 500 مووچەخۆر مووچەکانیان هاتووەتە سەر هەژماری من.