هەر كارمەندێكی وەزارەتی ناوخۆ دەربكەوێت سزا دەدرێت

ئاڤا نیوز 

وەزارەتی ناوخۆی عێراق بڕیاریدا هەر ئەفسەر و کارمەندێکی لە تۆڕە کۆمەڵایەتییەکان دەربکەوێت، سزای بدات و سزاکەشی تا خانەنشینیکردنی لەخۆدەگرێت.

وێنە گەورەکە: دوای ئەوەی دوو ئەفسەر و کارمەندێکی وەزارەتی ناوخۆ لە لایڤێکی تۆڕی کۆمەڵایەتی تیکتۆک ناو و پلەی سەربازی خۆیان ئاشکرا دەکەن، وەزیری ناوخۆی عێراق بڕیاریدا وەک سزایەک ئەو سێ کەسە لە فەرماندەیی پۆلیسی بەغداوە بۆ پاسەوانی سنور بگوازرێنەوە.

ڕاگەیێنراوی فەرمی: عەمید میقداد میری، گوتەبێژی وەزارەتی ناوخۆی عێراق ڕایگەیاند: ڕێکاری یاسایی تووند دژی ئەو ئەفسەر و ئەندامانەی هێزەکانی وەزارەتی ناوخۆ دەگرنەبەر کە لە تۆڕە کۆمەڵایەتییەکان دەردەکەون.

زانیاریی زیاتر: "سزاکە ڕەوانەکردنی کارمەندان بۆ دادگەی هێزە ئەمنییەکان، گواستنەوە و  بڕیاری خانەنشینکردنیان دەگرێتەوە بەهۆی ئەوەی دەرکەوتنیان پێچەوانەی ڕێکارەکانی هەڵسوکەوتی فەرمانبەرانە".