ئاگادارییەک لە کۆمیسیۆنەوە لەبارەی هەڵبژاردنی پەرلەمانی کوردستان

ئاڤا نیوز 

 

کۆمیسیۆنی سەربەخۆی هەڵبژاردنەکان ڕایگەیاند، تاوەکو ڕۆژی 17-10-2024 بنکەکانیان کراوە دەبن بۆ ئەوەی هاونیشتمانییان بچن و کارتەکانیان وەربگرنەوە، چونکە بەبێ ئەو کارتە ناتوانن دەنگ بدەن.

 

وێنە گەورەکە: بڕیارە 20-10-2024 هەڵبژاردنی خولی شەشەمی پەرلەمانی کوردستان لەلایەن کۆمیسیۆنی باڵای سەربەخۆی هەڵبژاردنەکانی عێراقەوە بەڕێوەبچێت.

 

لێدوانی فەرمی: مەڕوان محەممەد نەجار، بەرپرسی ئۆفیسی هەولێری کۆمیسیۆنی باڵای سەربەخۆی هەڵبژاردنەکانی عێراق بە ئاڤا نیوزی ڕاگەیاند، تاوەکو ئێستا لە سنووری هەولێر ڕێژەی 91٪ هاووڵاتییان کارتی دەنگدانیان وەرگرتووەتەوە، ڕۆژانەش پێدانەوەی کارتی دەنگدان بەردەوامە.

زانیاری زیاتر: هاونیشتمانییان ناتوانن بە وەسڵی بایۆمەتری دەنگ بدەن، چونکە بەپێی یاسای کۆمیسیۆن دەنگدەر تەنیا بە کارتی بایۆمەتری دەنگدان دەتوانێت دەنگ بدات، مەڕوان محەممەد وایگوت.

ئەوەی پێویستە بیزانیت: کۆمیسیۆنی باڵای سەربەخۆی هەڵبژاردنەکانی عێراق،  تاوەکو 17- 10- 2024، کاتی بۆ دەنگدەران دیاری کردووە بۆ ئەوەی کارتی دەنگدان وەربگرنەوە.