بۆ یەکەمجار فەرمانبەرانی دهۆک و سلێمانی لە ڕێگەی هەژماری من مووچە وەردەگرن

ئاڤا نیوز 

 

دابەشکردنی مووچە لەڕێگەی "هەژماری من" دەستپێدەکاتەوە و فەرمانبەرانی دهۆک و سلێمانیش لە ڕێگەی هەژمارەکەوە مووچە وەردەگرن.

 

وێنە گەورەکە: مووچەی بەشێکی مووچەخۆرانی هەرێمی کوردستان بە شێوازی دیجیتاڵی، لە ڕێگەی "هەژماری من" لە پارێزگاکانی هەرێمی کوردستان دابەش دەکرێت.

 

لەلایەکی دیکەوە:  یەکەم مانگە بەشێک لە مووچەخۆرانی دهۆک و سلێمانی مووچەکانیان لە ڕێگەی "هەژماری من" وەردەگرن.

 

ئەوەی پێویستە بیزانیت: کاتژمێر 12:00ـی ئەمڕۆ چوارشەممە، مووچە دەخرێتە سەر هەژماری بانکیی بەشداربووان، بە کورتەنامەیەک نزیکەی 120 هەزار مووچەخۆر ئاگادار دەکرێنەوە.

 

ژمارەکان وا دەڵێن: 103 هەزار فەرمانبەری مەدەنی و 17 هەزار پێشمەرگە لە ڕێگەی "هەژماری من"  مووچە وەردەگرن.