سەرۆکوەزیران بارزانی: پابەندین بە پاراستن و پەرەپێدانی فەرهەنگی پێکەوەژیان

‎ئاڤا نیوز 

 

یەکەمین 'سیمپۆزیۆمی سریانی لە نیشتیمان' دەستیپێکرد و سەرۆکوەزیران بارزانی لە سیمپۆزیۆمەکەدا بەشداربوو و جەختی کردەوە کە  حکومەتی هەرێمی کوردستان پابەندە بە پاراستنی پێکەوەژیان. 

 

‎وێنەگەورەکە: ڕۆژی پێنجشەممە 05-09-2024 یەکەمین سیمپۆزیۆمی سریانی لە نیشتیمان دەستیپێکرد و بۆ ماوەی سێ ڕۆژ بەردەوام دەبێت، تێیدا کۆمەڵێک توێژینەوە لە بارەی هونەر و کولتوورەوە پێشکەش دەکرێت. 

 

‎لێدوانی فەرمی: سەرۆکوەزیران بارزانی لەنێو ڕێوڕەسمەکە وێڕای دەستخۆشی لە وەزارەتی ڕۆشنبیری و بەڕێوەبەرایەتیی گشتیی ڕۆشنبیری و هونەری سریانی گوتی: هیوادارم ئەم کۆڕبەندانە ببنە هۆی پەرەپێدانی کولتووری سریانی و لە خزمەتی بەهێزترکردنی گیانی پێکەوەژیانی ئاشتییانەی پێکهاتە ئاینیەکان و نەتەوە جیاوازەکانی کوردستان بن.

 

‎لەلایەکی دیکەوە: سەرۆکوەزیران باسی لەوەش کرد حکومەتی هەرێمی کوردستان پابەندە بە پاراستن و پەرەپێدانی دۆخی فەرهەنگ و پێکەوەژیان، کە یەکێکە لە تایبەتمەندییەتیەکانی هەرێمی کوردستان. 

 

‎ئەوەی پێویستە بیزانیت: لە سیمپۆزیۆمەکەدا 40 توێژەر و ئەکادیمێست ئامادەن کە لە 25 زانکۆی نێودەوڵەتییەوە هاتوون.