مەلا بەختیار: سەرانی ئێستای یەکێتی لە سێبەری خۆیان دەترسن

ئاڤا نیوز 

 

مەلا بەختیار لە کۆنگرەیەکی ڕۆژنامەوانییدا باس لە داخستنی دەزگای چاودێر دەکات و دەڵێت: سەرانی ئێستای یەکێتی لە سێبەری خۆشیان دەترسن.

 

وێنە گەورەکە: دوێنی پێنجشەممە هێزێکی چەکداری کۆماندۆ دەچێتە باڵەخانەی چاودێر لە سلێمانی، دەست بەسەر تەواوی کەلوپەلی ناو بیناکەدا دەگرن و ناوەندەکەش دادەخەن، دواتر کاردانەوەی تووندی مەلا بەختیار و سەنتەری میترۆ و سەندیکای ڕۆژنامەنووسانی بەدوا داهات.

 

لێدوانی فەرمی: مەلا بەختیاری لەبارەی داخستنی چاودێر ڕایگەیاند: "پێنجی ڕەشی ئەیلوول سیاسەتێکی تازەیە و ئەوانە لە سێبەری خۆشیان دەترسن، هەموو ئەوانەوی ئۆپۆزیسیۆنن و ڕەخنەیان هەیە، بیر لە ئازادییەکی جوان و مافی ژن و حکومەتێکی هاوچەرخ دەکەنەوە لە سلێمانی، دەبێ لە خۆیان بترسن".

 

مەلا بەختیار ڕاشگەیاند: "عەیبە مرۆڤ ئەوەندە کۆیلە و شەرمەزار بێت بە بڕیاریک بچێتە سەر ماڵەکەم کە سەدان جار نانی لێ خواردووە، لە ئەمڕۆوە قۆناغێکی نوێ دەستپێدەکات".

 

لەلایەکی دیکەوە: لەبارەی فێستیڤاڵی گەڵاوێژەوە مەلا بەختیار گوتی: هەوڵ دەدەین فێستیڤاڵەکە ساز بکەین.

 

ئەوەی پێویستە بیزانیت: دەزگای چاودێر، دەزگایەکی ڕۆشنبیرییە و لەماوەی ڕابردوودا لەڕێگەی چاپکردنی ڕۆژنامە و چالاکی ڕاگەیاندن و ڕۆشنبیری لە پارێزگای سلێمانی کاری کردووە، مەلا بەختیار، بەرپرسی باڵای پێشووی یەکێتی خاوەنداریەتی دەکات.