لە میسان مووچەی فەرمانبەرانی چینی حەوت هێندەی عێراقییەکانە

ئاڤا نیوز 

 

 

لە کێڵگە نەوتییەکانی میسان مووچەی کارمەندێکی چینی حەوت هێندەی هاوتا عێراقییەکەی زیاترە، پەرلەمانیش داوا لەحكومەت دەكات بە سیاسەتی دامەزراندن و دابەشکردنی ساماندا بچێتەوە.

 

وێنە گەورەکە: ژمارەیەکی زۆر لە کرێکاری بیانی لە کێڵگە نەوتییەکانی عێراق کار دەکەن، مووچەی مانگانەی هەر یەک لەوانیش لە سەرووی مووچەی هاووڵاتییەکی عێراقییەوەیە، ئەمەش بووەتە هۆی دروستبوونی ناڕەزایەتی کارمەندەکان و پەرلەمانیشی هێناوەتە سەرهێڵ. 

 

زانیاری به‌ده‌ستهاتوو: مووچەی  مانگانەی کارمەندێکی چینی لە کێڵگە نەوتییەکانی پارێزگای میسان مانگانە دەگاتە 15 هەزار دۆلار لە کاتێکدا مووچەی فەرمانبەرێکی عێراقی  بە هەمان مەرج و لەهەمان شوێن کار دەکات، لە دوو هەزار دۆلار تێناپەڕێت.

 

لێدوانی فەرمی: عەلی سەعدوون پەرلەمانتاری عێراق دەڵێت: پێویستە حكومەت بە سیاسەتی دامەزراندن و دابەشکردنی ساماندا بچێتەوە، کۆتاییش بەم جیاوازییە گەورەیەی نێوان مووچەی کارمەندی بیانی و خۆماڵی بهێنێت.

 

باکگراوند: پارێزگای میسان، دەكەوێتە باشووری عێراق، ڕۆژانە زیاتر لە 600 هەزار بەرمیل نەوت بەرهەم دەهێنێت،  کێڵگەکانی حەلفایا، فەکا و ئەبو غەرب، دیارترین كیڵگە نەوتیەكانی ئەو پارێزگایەن.