زیانە ماددییەکانی ئیسرائیل بەهۆی جەنگ 70 ملیار دۆلاری تێپەڕاند

ئاڤا نیوز

 

بەهۆی بەردەوامی جەنگی نێوان ئیسرائیل و حەماس، زیانی ماددی زۆری بە حکومەت و کۆمپانیاکانی ئەو وڵاتە گەیاندووە، وەزارەتی دارایی ئیسرائیل زیانە ماددییەکان بە زیاتر لە 70 ملیار دۆلار دۆلار مەزەندە دەکات.

 

چیرۆکی سەرەکی: بەردەوامی جەنگ لە نێوان ئیسرائیل و حەماس، زیانی ماددی زۆری بە ئابووری وڵاتەکە گەیاندووە. زیانەکان بەجۆرێکن کاریگەری نەرێنی لەسەر بازاڕەکان، ئاستی بازرگانی، پێشکەوتنی کۆمپانیاکان و کورتھێنانی بودجەی گشتیی دروستکردووە. کۆی گشتی زەرەر و زیانە ماددییەکان تاوەکو مانگی ئەیلوول گەیشتووەتە سەرووی 70 ملیار دۆلار.

 

ڕاگەیێنراوی فەرمی: وەزارەتی دارایی ئیسرائیل ڕایگەیاند، بەھۆی جەنگەوە 41 ملیار دۆلار کورتھێنانی بودجەیان بۆ دروستبووە. نزیکەی 60 ھەزار کۆمپانیا مەترسی مایەپووچبوونیان لەسەرە بەجۆرێك زیانە ماددییەکانی جەنگەکە گەیشتووەتە سەرووی 70 ملیار دۆلار. هاوکات زیانەکان هۆکارن بۆ زیادبوونی کورتهێنان لە تەرازووی پێدانەکان بە 4% لە ساڵی 2025. 

 

ئەمەش بزانە: دابەزینی متمانەی وەبەرهێنەرە بیانییەکان، هەرەشەیەکی دیکەیە لەسەر داهاتووی ئابووریی وڵاتەکە، کە دەبێتە هۆی کەمبوونەوەی سەرمایەی بیانی و زیادبوونی تێچووی قەرزە نێودەوڵەتییەکان و کەمبوونەوەی متمانەی وەبەرهێنەران بە ئیسرائیل.