عێراق بەشداری کۆنگرەیەکی نێودەوڵەتی تایبەت بە کەمپی هۆل دەکات

ئاڤا نیوز

 

لەم مانگەدا کۆنگرەیەکی نێودەوڵەتی تایبەت بە داخستن و کۆتاییهێنان بە کەمپی هۆلی ڕۆژئاوای کوردستان لە نیویۆرک ساز دەکرێت و عێراقیش بەشداری تێدا دەکات.

 

وێنە گەورەکە: کەمپی هۆل گەورەترین کەمی ژن و منداڵی خێزانەکانی داعشە لە ڕۆژئاوای کوردستان و نزیکەی 50 هەزار ژن و منداڵی لە 60 وڵاتینامەی وڵاتانی جیهان تێدا ڕاگیراوە، لەو ژمارەیەش ئەوانەی هاووڵاتی عێراقین ژمارەیان دەگاتە 18 هەزار کەس.

 

لێدوانی فەرمی: سەعید جیباشی، ڕاوێژکاری کاروباری ستراتیژی لە ئەنجوومەنی ئاسایشی نیشتمانیی عێراق، بە ڕۆژنامەی سەباحی ڕاگەیاندووە، کۆنگرەکە لە بارەگای ئەنجوومەنی ئاسایش لە نیویۆرک بەڕێوە دەچێت، تیایدا عێراق جارێکی دیکە داوا لە وڵاتانی جیهان دەکات ژن و منداڵی چەکدارانی داعش لە کەمپی هۆل بۆ وڵاتەکانیان بگەڕێننەوە.

 

زانیاریی زیاتر: "لە کۆبوونەوەکەدا باسی ئەوەش دەکەین کە حکومەتی عێراق لە هەوڵەکانی بەردەوامە بۆ گەڕاندنەوەی سەرجەم ژن و منداڵی چەکدارانی داعش کە خاوەن وڵاتینامەی عێراقین و دوای شیاندن و دووبارە ڕاهێنانەوەیان، تێکەڵ بە کۆمەڵگە دەکرێنەوە، بۆیە داوا دەکەین هەموو وڵاتانی دیکەی جیهانیش هەمان ڕێکار بگرنەبەر تاوەکو بەزووترین کەمپی هۆل دابخرێت".