کۆمەڵگەی دایک لەسەر ئەرکی سەرۆک بارزانی دروست کراوە

ئاڤا نیوز

 

کۆمەڵگەی دایک لە سنووری ئیدارەی سەربەخۆی سۆران کرایەوە، کە لەسەر ئەرکی سەرۆک بارزانی بونیاتنراوە.

 

وێنە گەورەکە: کۆمەڵگەی دایک، شەش باڵەخانەی پەیوەست بە خاوەن پێداویستی تایبەت و بێسەرپەرشتان لەخۆدەگرێت، لەسەر ڕووبەڕی 11 هەزار مەتر دووجا بە گوژمەی دوو ملیار و 500 ملیۆن دینار بونیاتنراوە.

 

لێدوانی فەرمی: مووسا ئەحمەد، سەرۆکی دەزگای خێرخوازی بارزانی دەڵێت: کردنەوەی ئەم کۆمەلگایە زیاتر خزمەتی هاونیشتمانیانی دەڤەری سۆران دەکات و لە داهاتوو پڕۆژەی زۆرباش و جوانمان بۆ سۆران دەبێت.

 

ئەوەی پێویستە بیزانیت: کۆمەڵگەکە لە شەش بەشی سەرەکی پێکدێت؛ پەیمانگای نابینایان، پەیمانگای نابیستان، سه‌نته‌ری ئۆتیزم، خانه‌ی بێسه‌رپه‌رشتان، خانه‌ی به‌ساڵاچووان، خانه‌ی کلتووری لەخۆدەگرێت.