ئاگركەوتنەوە هەزاران كەس لە ئەمریکا ئاوارە دەكات

ئاڤا نیوز

 

لە سەرەتایی ئەمساڵەوە شەپۆلێکی گەرما ڕووی لە ئەمریکا کردووە و لەچەندین ویلایەتی ئەو وڵاتە ئاگری گەورە کەوتووەتەوە

 
وێنە گەورەکە: لە ویلایەتەکانی کالیفۆرنیا و نیڤادا بەهۆی خێرا تەشەنەسەندنی ئاگر باری نا ئاسایی ڕاگەیێنراوە، تاوەکو ئێستا  20هەزار کەس لەو دوو ویلایەتە ناچاربوون ماڵەکانیان چۆڵ بکەن.

ڕاگەینراوی فەرمی: جۆ لۆمباردۆ، حاکمی ویلایەتی نیڤادا ڕایگەیاندووە: بەهۆی خێرا بڵابوونەوەی ئاگر باری نا ئاساییان ڕاگەیاندووە، ئاماژەشی بەوە داوە، 11 هەزار کەس ناچار بوون ماڵەکانیان چۆڵ بکەن.

ژمارەکان وادەڵێن: بەپێی ئاماری سەنتەری نیشتمانی هەماهەنگی ئاگرکوژێنەوە؛ 68 ئاگری گەورە لە ڕۆژئاوای ئەمریکا کەوتوونەتەوە، زیاتر لە 17 هەزار و 500 دۆنم زەوی سووتاون و 35 هەزار و 400 شوێنی نیشتەجێبوون هەڕەشەی چۆڵکردنیان لەسەرە.