بۆیەی قژ ئەگەری تووشبوون بە شێرپەنجەی مەمک زیاد دەکات

ئاڤا نیوز

 

ئەلێکساندرا ڤێلێڤا، پزیشکی پێست ئاماژە بەوە دەکات، هەرچەندە بۆیەکردنی قژ یارمەتیدرە بۆ گۆڕینی ڕەنگی قژ، بەڵام ئەم پرۆسەیە زیان بە تەندروستی و قژ دەگەیەنێت.

 

چیرۆکی سەرەکی: بەشێک لە توێژینەوەکان ئاماژە بەوە دەکەن، پێکهاتەکانی بۆیەی قژ دەتوانن ببنە هۆی ناهاوسەنگی لە سیستمی هۆرمۆنەکانی لەش و بەم شێوەیەش کاری هۆڕمۆنی سێکسیی مێینەی ئیسترۆجین تێکدەدات و  ئەگەری تووشبوون بە شێرپەنجەی مەمک زیاد دەکات.

 

ئەوەی پێویستە بیزانیت: بەگشتی دوو جۆر بۆیەی قژ ئێستا بەرهەم دەهێنرێن ئەوانیش ئۆکسێنەر و نائۆکسێنەرن. کاریگەری جۆری دووەم سووکترە، بۆیە لە بەرهەمهێنانی شامپۆی ڕەنگاوڕەنگدا بەکاردێت، کە بۆیەکە ناچێتە ناو پێکهاتەی قژەوە، بەڵکو تەنها بە ڕووپۆشێکی ڕەنگاوڕەنگ دایدەپۆشێت.

 

زانیاریی زیاتر: جۆری یەکەم جێگیرترە و بەرگەی زیاتر لە 25 جار قژ شۆردن دەگرێت، پێکهاتە کیمیاییەکەی بەهێزترە بەو پێیەی پایرۆکسایدی هایدرۆجین ڕەنگی سروشتی قژ لادەبات و دەیگۆڕێت بە ڕەنگی بۆیەکە.

 

ئەوەی لەبارەیەوە دەگوترێت: دکتۆر ئەلێکساندرا ڤێلێڤا ئاماژە بەوەش دەکات، بۆیەی ئۆکسێنەر ڕێژەیەکی زۆر ئامۆنیای تێدایە، کە ڕەنگە ببێتە هۆی هەستیاری و هەوکردنی پێست. ئەم هەستیارییە لەشێوەی خوران و قڵیشان و سووربوونەوەی پێستدا دەردەکەوێت.