پڕۆژەیەکی ستراتیژی ئاو هاوشێوەی هەولێر لە سلێمانیش جێبەجێ دەکرێت

ئاڤا نیوز

 

بەڕێوەبەری گشتیی ئاو و ئاوەڕۆی هەرێمی کوردستان ڕایگەیاند: بەرنامەیان هەیە بۆ جێبەجێکردنی پرۆژیەکی ستراتیژی ئاو لە سلێمانی و بەیەکجاری کێشەی ئاو چارەسەر دەکات. 

 

بۆچی گرنگە: ئەم پڕۆژەیە کێشەی کەمئاوی لە سلێمانی و دەوروبەری بەیەکجاری چارەسەر دەکات، دەبێتە یارمەتیدەری بوژانەوەی ئاوی ژێر زەوی.

 

لێدوانی فەرمی: ئاری ئەحمەد، بە ئاڤا نیوزی ڕاگەیاند: پێش دوو هەفتە ڕاپۆرتێکی 12 پەڕەی بۆ جێبەجێکردنی پرۆژەیەکی ستراتیژی و چارەسەری یەکجاری کێشەی کەمئاوی سلێمانی بۆ وەزارەتی شارەوانی نێردراوە، ئەوانیش بۆ ئەنجوومەنی وەزیرانیان بەرزکردووەتەوە.

 

زانیاریی زیاتر: پرۆژەکە لە توانایدایە لە یەک کاتژمێردا 20 هەزار مەتر سێجار ئاو پاکبکاتەوە و بە سلێمانی بگەیەنێت.

 

ئەوەی پێویستە بیزانیت: پرۆژەکەی سلێمانی هاوشێوەی پرۆژەی فریاگوزاری خێرای ئاوە کە لە هەولێر جێبەجێ دەکرێت، بەڵام دیزاینەکەیان جیاوازە.

 

لە لایەکی دیکەوە: پرۆژە ستراتیژییەکەی سلێمانی لەسەر ئاوی دوکان دروست دەکرێت و بە درێژای 68 کیلۆمەتر بە بۆری دەگوازرێتەوە.

 

باکگراوند: لە سلێمانی پرۆژەکانی دوکان یەک، دوکان دوو، سەرچنار هەیە، بەجێبەجێکردنی ئەم پرۆژە ستراتیژیەش کێشەی کەمئاوی تا 30 ساڵی دیکە چارەسەر دەکات.