دابەشکردنی نەوت لە ناوچە شاخاوییەکان دەستپێدەکات

ئاڤا نیوز 

 

ڕێکارەکانی دابەشکردنی نەوت لە ناوچە شاخاوییەکان دەستیپێکرد و بریکارەکان ڕاسپێردراون پارە کۆبکەنەوە، چۆمان یەکەم شوێن دەبێت کە نەوت وەرگرێت.

 

وێنە گەورەکە: حکومەتی هەرێمی کوردستان بۆ دووەم ساڵ لەسەریەک، دەست بە دابەشکردنی نەوتی سپی بە نرخی پاڵپشتکراو دەکات، خەزانەکانی نەوت ئامادەن و لە چەند ڕۆژی داهاتوو پڕۆسەی دابەشکردنەکە دەستپێدەکات، هەر خێزانێک 200 لیتر نەوت وەردەگرێت.

 

لێدوانی فەرمی: ئەمیر سەلیم، بەڕێوەبەری نەوت و کانزاکانی سۆران بە ئاڤا نیوزی گوت: "بریکارەکانی خۆراک ڕاسپێراون پارەکە کۆبکەنەوە، یەک ملیۆن و 800 لیتر لە سنووری قەزای چۆمان دابەشدەکرێت، چاوەڕوانی بڕیاری وەزارەتی سامانە سرووشتییەکان دەکەین بۆ دەستپێکردنی پڕۆسەکە."

 

باکگراوند: بە بڕیاری سەرۆکوەزیران بارزانی، ساڵی ڕابردوو بەر لە هاتنی وەرزی سەرما لە ڕێککەوتی 04-10-2023 لە ناوچە شاخاوییەکاندا دەست بە دابەشکردنی نەوتی سپی کرا.