مەسرور بارزانی: پارتی تاکە ئومێدی کوردستانە

ئاڤا نیوز 

 

جێگری سەرۆكی پارتی دیموكراتی كوردستان دەڵێت، پارتی تاکە ئومێدی کوردستانە و سەرکەوتنی پارتی سەرکەوتنی هەموو کوردستانییەکی نیشتمانپەروەرە.

 

وێنە گەورەكە: 16ی ئەم مانگە بانگەشەی هەڵبژاردن بۆ پەرلەمانی کوردستان دەستپێدەکات کە بڕیارە لە 20-10-2024 بەڕێوەبچێت، پارتە سیاسییە بەشداربووەكانی هەڵبژاردنەكە سەرقاڵی خۆڕێكخستن و كۆبوونەوەی جەماوەرین لەگەڵ كادیر و لایەنگرانیان.

 

چیرۆكی سەرەكی: پاشنیوەڕۆی ئەمڕۆ سێشەممە 9/10 مەسرور بارزانی، جێگری سەرۆکی پارتی، لەگەڵ ژمارەیەک لە کادیرەکانی پارتی لە سنووری هەولێر كۆبووەوە.

 

لێدوانی فەرمی: لە كۆبوونەوەكەدا مەسرور بارزانی، جێگری سەرۆكی پارتی ڕایگەیاند:  لەکاتی قەیران و تەنگانەدا، پارتی تاکە هێز بووە هەمیشە لە سەنگەری پێشەوەی بەرگریکردن لە شکۆ و کەڕامەتی گەلی کوردستان و دەسکەوتە نیشتمانییەکاندا بووە، بۆیە بووەتە جێی متمانەی زۆرینەی خەڵکی کوردستان.

 
زانیاریی زیاتر: پارتی حیزبی هەموو چین و توێژ و پێکهاتە جیاوازەکان و هەموو ناوچەکانی کوردستان بووە و مایەی شانازیشە ئەمڕۆ پارتی پارێزەر و گەرەنتی پاراستن و پێشکەوتنی قەوارەی دەستووری هەرێمی کوردستانە. مەسرور بارزانی وای گوت.

 

ئەوەش بزانە: جێگری سەرۆكی پارتی ئەوەش خستەڕوو: لە ژێر سایەی پارتیدا، کوردستان زیاتر پێشدەکەوێت و دەبووژێتەوە و گەشە دەکات بۆیە پارتی تاکە ئومێدی کوردستانە و سەرکەوتنی پارتی، سەرکەوتنی هەموو کوردستانییەکی نیشتمانپەروەرە.