پارێزگاری هەولێر: بۆ یادی مەولوود مەراسیمی تایبەتمان دەبێت

ئاڤا نیوز

 

ساڵانە بەبۆنەی یادی لەدایکبوونی پێغەمبەری ئیسلام محەممەد (د.خ)، لە زۆربەی شار و شارۆچکەکانی هەرێمی کوردستان مەراسیمی تایبەت ڕێکدەخرێت.

 

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی ڕاگەیاند، "بەبۆنەی یادی لەدایکبوونی پێشەوای مرۆڤایەتیی پێغەمبەر(درودی خوای لێ بێت)،  لەگەڵ وەزارەتی ئەوقاف و کاروباری ئایینی ئامادەکاری دەکەین بۆ ڕێکخستنی مەراسیمی تایبەت لە شاری هەولێر".

 

زانیاریی زیاتر: ساڵانە لەنێو بازاڕ و لەسەر قەڵای هەولێر ئەم یادە دەکرێتەوە، ئەم ساڵیش پلان هەیە مەراسیمێکی تایبەت ڕێکبخرێت.

 

ئەمەش بزانە: ئەوەی شاری هەولێر لە ناوچەکانی دیکە جیا دەکاتەوە بەشداریکردنی گەرموگوڕی خەڵکەکەیەتی لەم بۆنەیەدا.