عێراق و ئێران 14 یاداشتنامەی لێکتێگەیشتن واژۆ دەکەن

ئاڤا نیوز 

 

سەرۆکوەزیرانی عێراق و سەرۆککۆماری ئێران سەرپەرشتی واژۆکردنی 14 یاداشتنامەی لێکتێگەیشتنیان لە چەندین بواری جیا دەکەن.

 

وێنە گەورەکە: لە یەکەمین گەشتی دەرەوەی وڵاتی لە دوای دەستبەکاربوونی وەک سەرۆککۆماری ئیسلامیی ئێران، مەسعود پزیشکیان بەیانی ئەمڕۆ چوارشەممە 11-09-2024 گەیشتە بەغدا و لەلایەن سەرۆکوەزیرانی عێراقەوە پێشوازیی لێکرا، دوای کۆبوونەوەی نێوان سوودانی و پزیشکیان 14 یاداشتی لێکتێگەیشتنیان واژۆ کرد.

 

ڕاگەیێنراوی فەرمی: نووسینگەی سەرۆکوەزیرانی عێراق ڕایگەیاند: سەرۆکوەزیران و سەرۆککۆماری ئێران سەرپەرشتی واژۆکردنی 14 یاداشتنامەی لێکتێگەیشتنیان کرد، لە چەندین بوار و سێکتەری جیاجیادا.

 

بابەتە ستراتیژییەکان: یاداشەکان بریتین لە: ئابووری، هاوکاریی ڕاهێنان، گەنجان و وەرزش، ئاڵوگۆڕی ڕۆشنبیری و هونەری و شوێنەوار و پەروەردە، هاوکاری میدیایی، پەیوەندییەکان، بەرەوپێشبردنی لایەنی گەشتیاریی ئایینی، هاوکاری لە بواری ناوچە ئازادەکانی عێراق- ئێران، لە بواری کشتوکاڵ و سامانە سروشتییەکان، پۆست، پاراستنی کۆمەڵایەتی، ڕاهێنانی پیشەیی و تەکنیکی، و پەرەپێدانی هێزی کاری لێهاتوو و هاوکاری نێوان ژوورە بازرگانییەکان.

 

زانیاریی زیاتر: لە لایەنی عێراقی، وەزیرانی دەرەوە و بازرگانی و سەرۆکی فیدراسیۆنی ژوورە بازرگانییەکی عێراق و لەلایەنی ئێرانیش وەزیرانی دەرەوە و ئابووریی یاداشتنامە لێکتێگەیشتنەکان واژۆ کران.