پزيشكيان داوا لە عێراق دەکات نێوەندگیریی لەنێوان واشنتن و تاراندا بکات

ئاڤا نیوز

مەسعود پزيشكیان، سەرۆككۆماری ئێران لە میانەی سەردانەکەیدا بۆ بەغدا، داوای لە محەممەد شیاع سوودانی، سەرۆكوەزیرانی عێراق كردووە، نێوەندگیریی لەنێوان واشنتن و تاران بکات.

 

وێنە گەورەکە:  ڕۆژی چوارشەممە 11-09-2024 ، مەسعود پزیشکیان، سەرۆککۆماری ئیسلامیی ئێران لە یەکەمین گەشتی بۆ دەرەوەی وڵات سەردانی عێراقی کرد و لەگەڵ بەرپرسانی عێراق کۆبووەوە و ژمارەیەک یاداشتی واژۆ کرد. هەروەها لەبارەی پەیوەندییەکانی نێوان واشنتن و تاران پزیشیکیان داوایەکی لە سەرۆکوەزیرانی عێراق کردووە.

 

ڕاگه‌یێنراوی فه‌رمی: ڕۆژنامەی "جریدە" لە ژمارەی ئەمڕۆی 11-9-2024 بڵاوی کردەوە: لەکاتێکدا ئێران دەیەوێت گفتوگۆی دۆسیەی ئەتۆمیی وڵاتەکەی لەگەڵ وڵاتانی خۆرئاوا دەستپێبکاتەوە، مەسعود پزيشكیان، سەرۆككۆماری ئێران، لەمیانەی سەردانەکەی بۆ بەغدا و کۆوونەوەی لەگەڵ محەممەد شیاع سوودانی، داوای لە سەرۆكوەزیرانی عێراق كردووە، نێوەندگیری لە نێوان وڵاتەکەی و واشنتن بکات.

 

زانیاریی زیاتر: بەغدا پێشتر میوانداری چەند گەڕێكی دانوستانەكانی نێوان سعودیە و ئێرانی  كرد، كە دواتر ڕێككەوتنی ئاشتەوایی پەكینی لێكەوتەوە، هاوكات بەغدا ڕۆڵی گێڕاوە لە ئاڵوگۆڕكردنی پەیام لەنێوان واشنتن و تاران.

 

ئەمەش بزانە: تاران بەهۆی ڕەوانەكردنی مووشەكی بالیستیکی بۆ ڕوسیا، و بەكارهێنانیان لەلایەن مۆسکۆوە لە جەنگی ئۆكراینادا ڕووبەڕووی فشاری نوێ بووەتەوە.