پزیشکیان سەردانی سلێمانی دەکات

ئاڤا نیوز 

 

دوای ئەنجامدانی زنجیرەیەک کۆبوونەوە لە هەولێری پایتەخت، سەرۆککۆماری ئێران سەردانی سلێمانی دەکات و لەگەڵ بەرپرسانی یەکێتیی کۆدەبێتەوە.

 

وێنە گەورەکە: ڕۆژی پێنجشەممە 12-09-2024 مەسعود پزیشکیان، سەرۆککۆماری ئێران گەیشتە هەولێری پایتەخت و  بەجیا لەگەڵ سەرۆک بارزانی لەلایەک و  لەلایەکی دیکە لەگەڵ نێچیرڤان بارزانی، سەرۆکی هەرێمی کوردستان، سەرۆکوەزیران بارزانی و جێگرەکانیان و ژمارەیەک وەزیری حکومەتی هەرێمی کوردستان کۆبووەوە، هەڵوەستە لەسەر پرسە سیاسی، ئەمنیی، دیپلۆماسی،  ئابووری و بازرگانییەکان کرا.

 

زانیاریی بەدەستهاتوو: کاتژمێر 12:00ـی نیوەڕۆ، مەسعود پزیشکیان، سەرۆککۆماری ئێران  دەگاتە فڕۆکەخانەی سلێمانی و دواتر لەگەڵ بافڵ تاڵەبانی، سەرۆکی یەکێتیی نیشتمانی کوردستان و بەرپرسانی باڵای ئەو حیزبە کۆدەبێتەوە.

زانیاریی زیاتر: دوای تەواوبوونی کۆبوونەوە، ڕاستەوخۆ بەرەو بەسڕە بەڕێ دەکەوێت و لەوێوە کۆتایی بە سەردانەکەی بۆ عێراق و هەرێمی کوردستان دەهێنێت.