یەکێتی بارەگای لاهوور شێخ جەنگی لە هەڵەبجە دادەخات

ئاڤا نیوز

 

یەکێتی نیشتمانی کوردستان دوای داخستنی دەزگاکانی مەلا بەختیار و دەستبەسەرداگرتنی موڵک و ماڵی، ئەمجارەیان هەڵدەکوتێتە سەر بارەگای بەرەی گەل لە هەڵەبجە و دایدەخات. 

وێنەگەورەکە: هێزێکی سەر بە یەکێتیی نیشتمانیی کوردستان بارەگای بەرەی گەل لە شارەکە دادەخات، ئەمە دوای ئەوە دێت داوا لە بەرپرسانی بەرەی گەل دەکرێت، تاوەکو ڕێگەپێدانی یاسایی بۆ کردنەوەی بارەگاکەیان لە هەڵەبجە پێشکەش بکەن.

 

لێدوانی فەڕمی: جەبار نەجیب نامدار، سەرپەرشتیاری ناوەندی بەرەی گەل لە هەڵەبجە، بە ئاڤا نیوزی ڕاگەیاند: هەرچەندە ڕێگەپێدانی کۆمیسیۆنی باڵای هەڵبژاردنەکانی عێراق و وەزارەتی ناوخۆمان پێبوو، بەڵام هێزەکە داوای ڕێگەپێدانی بەڕێوەبەرایەتیی ئاسایشی سلێمانی و ناوی ئەندامانمانی دەکرد، ئێمەش پێمان نەدان و هەستمان دەکرد بیانووە.

 

لەلایەکی دیکەوە: ئەمڕۆ بەشێک لە ڕێکارە یاساییەکانیان بۆ تەواوکردنی ڕێگەپێدانەکەیان لە ئاسایشی سلێمانی گرتووەتە بەر. "بەشێکی ماوە و سبەینێ بەشەکەی دیکەی تەواو دەکەین و بارەگاکەمان دەکەینەوە. سەرپەرشتیاری ناوەندی بەرەی گەل لە هەڵەبجە وای گوت.