دیداری بازرگانانی هەرێمی کوردستان و ئێران بەڕێوەدەچێت

ئاڤا نیوز

 

 

لە پەراوێزی پێشانگەی نێودەوڵەتی هەولێر، کە ئەم مانگە لە شاری هەولێر دەکرێتەوە، دیداری بازرگانانی هەرێمی کوردستان و کۆماری ئیسلامی ئێران بەڕێوەدەچێت.

وێنە گەورەکە: 58 کۆمپانیای وڵاتی ئێران خۆیان تۆمار کردووە، بۆ ئەوەی بەشداری لە پێشانگەی نێودەوڵەتی هەولێر بۆ بیناسازیی و ئاوەدانکردنەوە بکەن. لە پەراوێزی کارەکانی ئەو پێشانگەیە، بڕیارە دیداری بازرگانانی هەرێمی کوردستان و کۆمپانیا بەشداربووەکانی کۆماری ئیسلامیی ئێران بەڕێوەدەچێت.

لێدوانی فەرمی: گەیلان حاجی سەعید، سەرۆکی ژووری بازرگانیی هەولێر بە ئاڤا نیوزی گوت: ئالوگۆڕ و جموجۆلی بازرگانیی نێوان هەرێمی کوردستان و کۆماری ئیسلامی ئێران لە ئاستێکی باشدایە، هەوڵدەدەین لە ڕێگەی ئەم جۆرە دیدارانە پەیوەندیەکانمان زیاتر پەرە پێبدەین.

زانیاریی زیاتر: بڕیارە ڕۆژانی 24 بۆ 27ی ئەم مانگە پێشانگەی نێودەوڵەتی هەولێر بۆ بیناسازی و ئاوەدانکردنەوە بکرێتەوە.