سەرۆک بارزانی لەگەڵ ڕاوێژکاری باڵای سیاسی و سەربازیی بەریتانیا کۆدەبێتەوە

ئاڤا نیوز

 

سەرۆك بارزانی پێشوازی لە ڕاوێژكاری باڵای سیاسی و سەربازیی حكومەتی بەریتانیا بۆ كاروباری ڕۆژهەڵاتی ناوەڕاست و باكووری ئەفریقیا و شاندێكی یاوەری کرد.

 

بۆچی گرنگە: لە دیدارەکەی سەرۆك بارزانی و ئەدمیراڵ ئێدوارد ئەلگرێن، ڕاوێژكاری باڵای سیاسی و سەربازیی بەریتانیا، هەماهەنگیی نێوان هێزەکانی هاوپەیمانان و هێزی پێشمەرگەی كوردستان، چاكسازییەكانی ناو وەزارەتی پێشمەرگە گفتوگۆی لەبارەیەوە کرا.

 

لەلایەکی دیکەوە: لەو دیدارەدا سەرۆك بارزانی سوپاسی حكومەتی بەریتانیای كرد، كە لە شەڕی داعشدا هاوكار و پشتیوانی هێزی پێشمەرگە بوون، پێزانینیشی هەبوو بۆ پاڵپشتیی و هەنگاوەكانی بەریتانیا لە یارمەتیدانی وەزارەتی پێشمەرگە لە پڕۆسەی چاكسازیی ناو وەزارەتەکە.

 

ئەمەش بزانە: پرسی مانەوەی هێزی هاوپەیمانان و هەروەها هەڕەشەكانی تیرۆر لەسەر عێراق و ناوچەكە تەوەری دیکەی كۆبوونەوەکە بوون.