مانگی ڕابردوو ژمارەیەک سەرکردەی داعش لە عێراق کوژراون

ئاڤا نیوز

فەرماندەی ناوەندی ئەمریکا ڕایگەیاندووە، لە ئۆپەراسیۆنێکی هاوبەشدا لە ڕۆژئاوای عێراق، مانگی ڕابردوو چوار سەرکردەی ڕێکخراوی تیرۆریستی داعش کوژراون کە لەناویاندا بەرپرسی ئۆپەراسیۆنەکانی ئەو ڕێكخراوە هەیە.

 

ڕاگەیێنراوی فەرمی: سێنکتۆم لە تۆڕی کۆمەڵایەتی ئێکس ڕایگەیاندووە، ئۆپەراسیۆنە هاوبەشەکەیان لەگەڵ هێزە سەربازییەکانی عێراق لە 8-29 دەستپێکردووە بۆسەر پێگەی چەکدارانی داعش لە ڕۆژئاوای عێراق، ئەوەش بە ئامانجی پەكخستنی تواناکانی ئەو ڕێکخراوەیە تاوەکو نەتوانن زیان بە هاووڵاتیانی عێراق بگەیەنن.

 

زانیاریی بەدەستهاتوو: هەر لەمیانەی ئەو ئۆپەراسیۆنە هاوبەشەدا 14 ئەندامی داعش کوژراون، هەروەها پێنج سەربازی ئەمریکیش برینداربوون، جگە لەوەی دوو سەربازی دیکەش لە ئەنجامی کەوتن و کەوتنەخوارەوە برینداربوون.

 

زانیاریی زیاتر: سێنتكۆم ناسنامەی ئەو چوار سەرکردەیەی داعش ئاشکرا كردووە:- ئەحمەد عیساوی، فەرماندەی ئۆپەراسیۆنەکانی داعش، ئەبو هومام سەرپەرشتیاری ئۆپەراسیۆنەکانی ڕۆژئاوا، ئەبو عەلی تونسی بەرپرسی ئیدارەی پەرەپێدان و دروستکردنی چەک، شاکر عیساوی کە سەرکردەی ئۆپەراسیۆنە سەربازییەکان.

 

باکگراوند: هاوپەیمانی نێودەوڵەتی دژی بە داعش نزیکەی دوو هەزار و 500 سەربازی ئەمریکی لە عێراق و 900 سەربازیش لە سووریا جێگیرکردووە، ئەرکی ڕاهێنان و هاوکاریی ڕاستەوخۆی سەربازیان لە ئەستۆدایە.