حکومەتی هۆڵەندا دەیەوێت پێدانی مافی پەنابەرێتی بە کۆچبەران ڕابگرێت

ئاڤا نیوز

 

حکومەتی هۆڵەندا ڕێوشوێنی پێویست دەگرێتەبەر بۆ ئەوەی بۆ پەناخوازان سەرنجڕاکێش نەبێت و ڕووی تێنەکەن.

 

وێنە گەورەکە: حکومەتی هۆڵەندا بەسەرۆکایەتیی پارتی ئازادی، کۆچبەرانی نایاسایی بۆ وڵاتەکەی کەم دەکاتەوە، بە ڕاگرتنی جێبەجێکردنی داواکارییەکانی مافی مانەوە کە بەمزووانە قەیرانی پەنابەران لە سەرتاسەری وڵات ڕادەگەیەنێت و ڕێگە بە حکومەت دەدات بەبێ ڕەزامەندی پەرلەمان ڕێوشوێنی کەمکردنەوەی کۆچبەران جێبەجێ بکات.

 

کۆنگرەی فەرمی: دیک شۆف، سەرۆک وەزیرانی هۆڵەندا لە کۆنگرەیەکی ڕۆژنامەوانیدا لە لاهای بە پەیامنێرانی ڕاگەیاند:  "ئێمە ناتوانین بەرگەی لێشاوی زۆری کۆچبەران بگرین بۆ وڵاتەکەمان. ڕێوشوێنی پێویست دەگرینەبەر و هەوڵ دەدەین مۆڵەتی پەنابەرێتی کۆتایی پێبهێنین و بژاردەی ئەو کەسانە سنووردار دەکەین کە پێشتر مافی پەنابەرییان پێدراوە.

زانیاریی زیاتر: ئەم هەوڵانەی وڵاتی هۆڵەندا لەکاتێکدایە ئێستا ژمارەی ئەو کۆچبەرانەی ڕوو لە هۆڵەندا دەکەن دەگاتە نزیکەی 43 هەزار کەس لە ساڵێکدا.