خۆپیشاندان لە ژمارەیەک پارێزگای عێراق دەستیپێکرد

ئاڤا نیوز 

 

بەشێک لە فەرمانبەران و دەرچووانی کۆلێژەکانی بەشێک لە پارێزگاکانی عێراق بۆ داواکردنی مافەکانیان لە بەرزکردنەوەی مووچە بنەڕەتییەکانیان و دامەزراندنیان چوونە سەر شەقامەکان، لە بەرامبەریشدا هێزە ئەمنییەکان بە گازی فرمێسکڕێژ بڵاوە بە خۆپیشاندەران دەکەن.

 

وێنە گەورەکە: ڕەشنووسی پڕۆژەیاسای هەمواری مووچەی بنەڕەتی فەرمانبەران بە ئامانجی هێنانەدی دادپەروەری و زیادکردنی مووچە ئامادەکراوە، بەڵام تائێستا حکومەت ڕەشنووسی کۆتایی پڕۆژەکەی بۆ پەرلەمان نەناردووە.

 

چی ڕوویدا: لە پارێزگای بەسرە فەرامانبەران ڕژانە سەر شەقامەکان و داوای بەرزکردنەوەی مووچەی بنەڕەتی دەکەن و بۆ بەدەنگەوە هاتنیشیان ڕێگەی سەرەکی بەسرە - بەغدایان داخست.

 

ئەوەش بزانە: لە پارێزگای زیقار دەرچووانی کۆلێژەکان چوونەتە سەر شەقام و داوای دامەزراندن دەکەن، بەڵام لەلایەن هێزە ئەمنییەکانەوە بە گازی فرمێسکڕێژ بڵاوەیان پێکرا.