لە میانمار بەهۆی لافاو 226 کەس گیان لەدەست دەدەن

ئاڤا نیوز

 

لافاو زەرەر و زیانی بە هاووڵاتییانی میانمار گەیاندووە و تا دێت ژمارەی قوربانیانیش بەرز دەبێتەوە و چەندین کەسیش تاوەکو ئێستا بێسەروشوێنن.

 

وێنە گەورەکە: لافاو و زریانی بەهێز باکووری ڤێتنام و تایلەند و میانماری گرتووەتەوە، هەزاران کەس گیانیان لەدەستداوە، هەزاران کەسی تریش پێویستیان بە یارمەتیدانی بەپەلەیە.

 

زانیاریی بەدەستهاتوو: میدیای فەرمی میانمار ڕایگەیاند: 226 هاووڵاتی گیانیان لەدەستداوە، 630 هەزار کەس زیانیان بەرکەوتووە و پێویستیان بە یارمەتیی بەپەلەیە، نزیکەی 260 هەزار هێکتار کێڵگەی برنج و بەروبوومی دیکە بەهۆی لافاوەوە لەناوچوون.

 

ئەوەش بزانە: زیاتر لە 150 هەزار خانوو ژێر ئاو کەوتوون، زیاتر لە 400 کەمپی فریاگوزاری بۆ هاووڵاتیانی وڵاتەکە کراونەتەوە.