سەرۆکوەزیران بەردی بناغەی گەورەترین نەخۆشخانەی چارەسەری شێرپەنجە لە هەولێر دادەنێت

ئاڤا نیوز 

 

سەرۆکوەزیران مەسرور بارزانی، لە هەولێر بەردی بناغەی گەورەترین نەخۆشخانەی شێرپەنجە لەسەر ئاستی عێراق دادەنێت کە سەرجەم چارەسەرییەکانی ئەو نەخۆشییەی لێدەکرێت.

 

وێنە گەورەکە: کاتژمێر 10:00ـی ئەمڕۆ چوارشەممە 18-09-2024 سەرۆکوەزیران مەسرور بارزانی،  بەردی بناغەی گەورەترین نەخۆشخانەی چارەسەری شێرپەنجە لە هەرێمی کوردستان و عێراق، لە شاری هەولێر دادەنێت.

 

زانیاریی تایبەت: لەنێو ئەو نەخۆشخانەیە جێگەی 250 تووشبوو دەبێتەوە و چارەسەری سەرجەم نەخۆشییەکانی شێرپەنجە دەکرێت.

 

ئەوەی پێویستە بیزانیت: لە سەرجەم پارێزگاکانی هەرێمی کوردستان، لە ساڵی 2012ـەوە تاوەکو 2023، 81 هەزار و 62 نەخۆش تۆمارکراون.

 

ئەمەش بزانە: بەگوێرەی ئاماری وەزارەتی تەندروستیی عێراق، لە جیهاندا هۆکاری مردن بە نەخۆشیی شێرپەنجە لە پلەی دووەمە، بەڵام لە عێراق بە پلەی حەوتەم دێت، کەمترین ڕێژەی مردنیش بەپێی ڕێژەی دانیشتووان لە هەولێر بووە.