ئاستی ئاوی بەنداوی دووكان زیاتر مەترێك بەرزبووەتەوە

ئاڤا نیوز

لە سێ ڕۆژی ڕابردوودا 50 ملم باران لە سنووری قەزای دووکان باریوە، بەمەش یەک مەتر و 40 سم ئاستی ئاوی دووکان زیادیکردووە، ڕێژەکەی لە ساڵی ڕابردوو زیاترە.

بۆچی گرنگە: بەنداوی دوکان هۆکارێکە بۆ بەرهەمهێنانی وزەی کارەبا، ئاودانی ڕووبەری نزیکەی دوو ملیۆن زەوی و بەخێوکردنی ماسی و کەم کردنەوەی مەترسی دروستبوونی لافاو، بەهۆی بارانبارینی ئەم سێ ڕۆژە 31% ئاو لە دەریاچەکەدا هەیە.

لێدوانی فەرمیی: کۆچەر جەمال، بەڕێوەبەری بەنداوی دووکان بە ئاڤا نیوزی ڕاگەیاند: ئاستی ئاوی بەنداوەکە مەترێک و 40 سم بەرزبووەتەوە، ئێستا بەنداوەکە دوو ملیار مەتر سێجا ئاوی تێدایە لەکۆی حەوت ملیار مەتر سێجا کە بەنداوەکە توانای گلدانەوەی هەیە.

باکگراوند: بەنداوی دووکان لەسەر ڕووباری زێی بچووک دروستکراوە، ئەم بەنداوە 60 کیلۆمەتر لەسەنتەری شاری سلێمانییەوە دوورە.