زانکۆڵاین بۆ دەرچووانی پۆلی 12 کارا دەکرێت

ئاڤا نیوز 

 

وەزارەتی  خوێندنی باڵای حکومەتی هەرێمی کوردستان ماوەی 10 ڕۆژ بە دەرچووانی پۆلی 12ی ئامادەیی دەدات بۆ ئەوەی فۆڕمی زانکۆلاین پڕبکەنەوە، وەزارەتەکە دەشڵێت بەرپرس نین لە هەر هەڵەیەک لەکاتی پڕکردنەوەی زانکۆلاین لە سەنتەرە بازرگانییەکان ئەنجام بدرێت.

 

چیرۆکی سەرەکی: پڕۆسەی پێشکەشکردنی فۆڕمی زانکۆلاین بۆ وەرگرتنی خوێندکارانی پۆلی دوانزەی ئامادەیی ماوەی 10 ڕۆژ دەخایەنێت و خوێندکاران لەو ماوەیەدا لیستی ناوی زانکۆ دڵخوازەکانیان بە گوێرەی نمرەکانیان دیاریدەکەن دواتر ناویان لە یەکێک لە زانکۆکانی هەرێم دێتەوە. 

 

ڕاگەیێنراوی فەرمی: لە ڕۆژی شەممەوە 21-9-2024 وێبسایتی www.regayzanko.com بۆ دەرچووانی زانستی، وێژەیی، پیشەیی، تا ڕۆژى 30ی ئەیلول کارا دەبێت، به‌وه‌ش ده‌رچووان ده‌توانن لەو ماوەیەدا فۆرمی وه‌رگرتن له‌ زانكۆ و په‌یمانگه‌كان پڕبكه‌نه‌وە، هه‌روه‌ها ده‌رچووان ده‌بێت سەردانی خوێندنگەکانی خۆیان بکەن بەمەبەستی وەرگرتنەوەی ناوى بەکارهێنەر و وشەى تێپەڕ Username و Password.

 

ئەمەش بزانە: سەرجەم ئەو دەرچووانەى لە خوار ساڵى 2000وە دەرچوون، هاوکات دەرچووانی پێنج ساڵی ڕابردوی پیشەییەکان کە نیازی فۆرم پێشکەش کردنیان هەیە بۆ خوێندنی پارالێڵ و ئێواران، بەهۆی نەبوونی ناو و زانیارییان لە ناو سیستمى زانکۆلاین، پێویستە سەردانی وەزارەتی پەروەردە بکەن بۆ وەرگرتنى یوزەرنەیم و پاسۆرد و داخڵکردنی زانیارییەکانیان، بەپێچەوانەوە ناتوانن داواکاری وەرگرتن پێشکەش بکەن.

 

 

لەم لینکەوە زانکۆڵاین پڕ بکەنەوە.