کۆمیسیۆن هۆشداری بە عەلی حەمەساڵح و بەرەی گەل و یەکێتی دەدات

ئاڤا نیوز 

 

دەستەی هەڵبژاردنەکانی هەرێمی کوردستان لە ڕاگەیێنراوێکدا 14 بەربژێر و لایەن ئاگاداردەکاتەوە کە سەرپێچی ڕێنماییەکانیان کردووە، زۆرینەیان لە ڕەوتی هەڵوێست بەسەرۆکایەتیی عەلی حەمەساڵح و بەرەی گەل بەسەرۆکایەتیی لاهوور شێخ جەنگین.

 

ڕاگەیێنراوی فەرمی: بەهۆی ئەوەی ژمارەیەک بەربژێر بەدەر لە ڕێنماییەکانی کۆمیسیۆنی باڵای هەڵبژاردنەکانی عێراق بانگەشەی پێشوەختەیان لە سۆشیاڵ میدیا دەستپێکردووە، داوا لە لیست و بەربژێرە سەرپێچیکارەکان دەکات لەماوەی سێ ڕۆژدا سەرپێچیەکانیان بسڕنەوە، ئەگەرنا بەپێچەوانەوە بە پێبژاردن سزا دەدرێن.

 

زانیاریی زیاتر: ئەو 14 بەربژێرە لە ڕێگەی سۆشیاڵ میدیاوە بانگەشەی پێشوەختەیان دەستپێکردووە و بە ئاشکرا ناوی خۆیان و لیستەکانیان بڵاوکردووەتەوە.

 

ئەوەی پێویستە بیزانیت: لەکۆی ئەو 14 بەربژێرە سەرپێچیکارە، 8 کەسیان لە 'ڕەوتی هەڵوێستی نیشتمان'ین، سێ بەربژێری دیکەش لە 'بەرەی گەل' و دوو بەربژێری دیکەشیان لە یەکێتی نیشتمانیی کوردستانن.

 

ئەمەش بزانە: هەرچەندە تەنها یەک مانگ ماوە بۆ ڕۆژی هەڵبژاردنی خولی شەشەمی پەرلەمانی کوردستان کە بڕیارە 20ـ10-2024 بکرێت، بەڵام تاوەکو ئێستا بەفەرمی دەست بە بانگەشەی هەڵبژاردن نەکراوە.

ناوی بەربژێر و لیستەکان ئەمانەن:

 

1-کانی مەولود- ڕەوتی هەڵوێستی نیشتمانی.
2-ئەڤین حوسێن عەلی – بەرەی گەل.
3-ڕەوتی هەڵوێستی نیشتمانی.
4- سەرخێل نەجمەدین مەلا محەممەد – یەکێتی نیشتمانی کوردستان.
5-عەلی حەمەساڵح – ڕەوتی هەڵوێستی نیشتمانی.
6- ڕیباز رزگار عوسمان – ڕەوتی هەڵوێستی نیشتمانی.
7- لەنیا قەزار- بەرەی گەل.
8- ئازاد کەریم محەممەد – نەوەی نوێ.
9- پاکیزە حمەئەمین حمەمراد- بەرەی گەل.
10- دڵشاد بابان-ڕەوتی هەڵوێستی نیشتمانی.
11-هێرش عەبدولڕەحمان- ڕەوتی هەڵوێستی نیشتیمان.
12- لاوین شەهید ئەردەلان- ڕەوتی هەڵوێستی نیشتمان.
13- د. سارا موحسین- ڕەوتی هەڵوێستی نیشتمان.
14- هەورام عەبدولخالق حەوێز – یەکێتی نیشتمانی کوردستان.