دوای 66 ساڵ نەوەیەکی بارزانی نەمر دەچێتە ڕادیۆی کوردی یەریڤان

ئاڤا نیوز

 

شیفا بارزانی، سەرپەرشتیاری گشتیی ڕەوەندی کوردستانی لە گەشتێکی دا بۆ بەشداریکردن لە لووتکەی دیاسپۆرای ئەرمینیا، لەسەر داوای بەڕێوەبەرانی ڕادیۆی یەریڤان سەردانی ستۆدیۆی ڕادیۆکەی کرد و چاوپێکەوتنێکیان لەگەڵ ئەنجامدا.

 

لێدوانی فەرمی: لە چاوپێکەوتنەکە دا شیفا بارزانی باسی لە پەیوەندی مێژوویی کورد و ئەرمەن کرد و سوپاسی دەوڵەتی ئەرمینیای کرد بۆ کردنەوەی ڕادیۆی کوردی و دەستەبەرکردنی مافەکانی کوردانی دانیشتووی ئەرمینیا.

 

ئەوەی پێویستە بیزانیت: بەڕێوەبەرانی ڕادیۆکە خۆشحاڵ بوون بەوەی دوای 66 ساڵ لە دیداری ژەنەراڵ بارزانی، نەوەیەکی ناوبراو سەردانی ڕادیۆکەی کردووە و لەم بارەیەوە بە بیریان هێنایەوە، کە بارزانی نەمر ساڵی 1958 سەردانی هەمان ڕادیۆی کردووە و لەسەر پێشنیازی ئەو بەرنامەکانی ڕادیۆکە لە 30 خولەکی ڕۆژانە بۆ یەک کاتژمێر و نیو زیاد کراوە.

 

زانیاریی زیاتر: شیفا بارزانی و شاندی یاوەری سەردانی بەشی کوردۆلۆجی زانکۆی ئەرمینیایان کرد و بە فەرمی داوایان لە شاندی کۆنفێدراسیۆنی ڕەوەندی کوردستانی کرد، کە پشتیوانی دارایی و مەعنەوی بەشی کوردۆلۆژی ئەو زانکۆیە بکەن و ژوورێک لە زانکۆکە بە ناوی ژووری بارزانی بکرێتەوە، تاوەکو ببێتە ناوەندێکی زانستی بۆ لێکۆڵینەوە لە پەیوەندی کورد و ئەرمەن.

 

 باکگراوند: ڕادیۆی یەریڤان ئێستا ڕۆژانە بۆماوەی یەک کاتژمێر بەرنامەکانی بە زمانی کوردی پێشکەش دەکات.