پەیامێک لە پارتییەوە بۆ هاونیشتمانیانی کەرکووک

ئاڤا نیوز 

 

پارتی دیموکراتی کوردستان پرۆسەی سەرژمێری بە چارەنووسساز و پاراستنی مێژووی ڕەسەنایەتی کەرکووک ناوزەد دەکات، داوا لە خەڵک دەکات پرۆسەکە بە هەند وەربگرن و خۆیان ناونووس بکەن.

 

وێنە گەورەکە: دوای 25 ساڵ، بڕیارە ڕۆژی 20-11-2024، سەرژمێری گشتیی لە عێراق و هەرێمی کوردستان بەڕێوەبچێت.

 

ڕاگیێنراوی فەرمی: مەکتەبی ڕێکخستنی کەرکووک - گەرمیانی پارتی، ڕایگەیاند: سەرەڕای تێبینیەکانمان لەسەر جێبەجێکردنی بڕگەکانی ماددەی 140ی دەستووری عێراق و جەختکردنەوە لە جێبەجێکردنیان وەک خۆی، داوا لە خەڵکی کەرکووک دەکەین، سەرژمێری بەهەند وەربگرن و بەشداربن خۆیان ناونووس بکەن.

 

زانیاری زیاتر: پارتی سەرژمێری بە پرۆسەیەکی چارەنووسساز و پاراستنی مێژووی ڕەسەنایەتی و نەتەوایەتی شاری کەرکووک ناودەبات، کەمتەرخەمی بە زیان بۆ پێگەی کورد لە شارەکە دەزانێت.

 

ئەوەش بزانە: هەر هاووڵاتییەک لە پرۆسەی سەرژمێر ناوی خۆی تۆمار نەکات، لە هیچ پارێزگایەکی دیکەی عێراق ناوی تۆمار ناکرێت و لە ئایندەدا توشی گرفتی یاسایی دەبێت.

 

ئەوەی پێویستە بیزانیت: لایەنە پەیوەندیدارەکان و لیژنەکان ڕاسپێردراون، تاوەکو بە بێلایەنی و دروستی هەڵمەتەکە دەستپێبکەن.

 

باکگراوند: لە سەرەتای ئەمساڵەوە دەست بە ڕاهێنان و ئامادەکاری کردەیی بۆ پرۆسەی سەرژمێری کراوە، تێدا ئامێرەکانی سەرژمێری و تۆمارکردن لە سەرژمێری ئەزموونیدا تاقیکرانەوە، بۆ ئەوەی لە کاتی پرۆسەکەدا توشی کێشە نەبن.