ئیسرائیل نووسینگەی کەناڵی جەزیرە لە کەنارەکانی ڕۆژئاوا دادەخات

ئاڤا نیوز

 

سەربازەکانی ئیسرائیل لە کەنارەکانی ڕۆژئاوا لە فەڵەستین، هەڵیانکوتایە سەر نووسینگەی کەناڵی ئاسمانی جەزیرە و کارەکانی ئەم کەناڵەیان لەپای گواستنەوەی هەواڵی شەڕی ئیسرائیل و حەماس هەڵپەسارد. 

 

وێنە گەورەکە: سەربازانی ئیسرائیلی لەکاتی پەخشی ڕاستەوخۆ دەچنە نووسینگەی جەزیرە و بە بێژەرەکان ڕادەگەیێنن کە پێوێستە دەستبەجێ دەست لە پەخش هەڵگرن و ئۆفیسەکە بۆ ماوەی 45 ڕۆژ دابخرێت.

 

ئەوەی پێویستە بیزانیت: ئەو هێرشەی ئیسرائیل لە دوای ئەوە دێت کە نەتانیاهۆ گوتبووی: "جەزیرە لە دژی ئاسایشی سەربازانی ئیسرائیل کاردەکات". 

 

ئەمەش بزانە: قەتەر خاوەنی کەناڵی جەزیرەیە کە هاوشانی میسر و ئەمریکا، نێوەندگیریی لە دۆسیەی ئاگربەستی غەززە لەنێوان ئیسرائیل و بزووتنەوەی حەماس دا دەکات.