بەهۆی فراوانبوونی گرژییەکان نرخی نەوت بەرزدەبێتەوە

ئاڤا نیوز

بەهۆی دابەزاندنی ڕێژەی سوو و شەڕی نێوان ئیسرائیل و حیزبوڵڵای لوبنان، نرخی نەوت لە بازاڕەکانی جیهان بەرزدەبێتەوە.

وێنە گەورەکە: لەگەڵ کرانەوەی بازاڕەکان لەم هەفتەیەدا، نرخی نەوت هاوشان لەگەڵ زێڕ بە بەرزبوونەوە دەستیپێکرد، بەرمیلێک نەوتی خاوی برێنت گەیشتە 75.06 دۆلار و بەرمیلێک نەوتی ڕۆژئاوای تێکساسیش گەیشتە 71.61 دۆلاری ئەمریکی. 

هۆکارە زانراوەکان: زیادبوونی گرژییەکانی ڕۆژ‌هەڵاتی ناوەڕاست، بەتایبەت هێرشەکانی ئسیرائیل و حیزبوڵڵای لوبنان بۆ سەر یەکتر، کەمکردنەوەی ڕێژەی سوو لە ئەمریکا بووەتە هۆی بەرزبوونەوەی خواست لە بازاڕی وزە، بەتایبەت نەوت و گازی سروشتی.

ئەوەی پێشبینی دەکرێت: بەردەوامی گرژی و ئاڵۆزییەکان پاڵپشتییەکانی نرخی نەوت زیاد دەکەن، دەبێتە هۆکار بۆ بەرزبوونەوەی زیاتر.

باکگراوند: دوای ماوەیەکی زۆر لە بەرزبوونەوە، دوو هەفتە پێش ئێستا نرخی نەوت نزمترین ئاستی تۆمارکرد و گەیشتە 69 دۆلار، بەرزبوونەوەشی بەم خێراییە لە دەرەوەی پێشبینییەکان بوو.